Жолаушының тасымалдаушысы багажды қабылдайды және осы операциялар үшін ашық кез келген темір жол станциясына дейін жөнелтеді.

      Жолаушылар поезының багаж вагонында жол жүру құжаты бойынша тасымалдауға қабылданатын, салмағы 200 килограмнан аспайтын мүлік багаж деп есептеледі.

      Жолаушы қажет болған жағдайда багажды тасымалдауға алдын ала тапсырады. Жолаушы багажды багаж бөлімшесіне не тікелей әмбебап багаж вагонына (бұдан әрі – УБВ) поездарда жүк пен багажды қабылдап-тапсырушыға тапсыруды жүзеге асырады.

      Тасымалдауға өзінің мөлшері, орамы және қасиеттері бойынша жолаушылардың багажына зиян келтірмей, багаж вагонына қиындықсыз тиелетін және орналастырылатын заттар мен заттар қабылданады.

Жолаушы қажет болған жағдайда белгіленген нормаға қосымша мынадай жағдайларда өзімен бірге қол жүгін алып жүреді:

1) жолаушыға "қолдағы багаж" ф. ЛУ-12А түбіртегін бере отырып, багаж тарифі бойынша жеке төлемге салмағы 15 кг дейін»;

2) толық құны үшін қосымша сатып алынған бір жол жүру құжатына (билетіне) 2-орынды купесі (СВ) бар вагонның және 4-орынды купесі бар вагонның бір купесінде салмағы 50 кг дейін;

3) төрт орын үшін жол жүру құжаттарының (билеттердің) толық құнын төлей отырып, жеке купеде жалпы салмағы 300 кг-ға дейін болғанда жол беріледі.

Жолжүкті төлеу үшін алдымен жолжүгі бөліміне бару керек, онда сізге жолжүгіңізді өлшейді және сізге жолжүгі кассасында тарифтің есептелген құнын төлейтін түбіртек беріледі.

Үй жануарларын (иттерді, мысықтарды, құстарды, жетелеуші иттерді) саны 2 (екіден) аспайтын, тиісті ветеринариялық құжаттар болған жағдайда купе және жатын вагонының жеке купесінде тасымалдауға жол беріледі.

Бұл ретте, жол жүру ақысы тиісті тариф бойынша төлеген, үй жануарларын алып жүретін жолаушымен бірге жүретін жолаушылар алған орыннан басқа, купедегі бос орындардың санына қарай толық тариф бойынша жол жүру құжаттарының (билеттердің) құнын төлеу қажет.

Тасымалдаушының жануарларды тасымалдау үшін жеке купе беретін мүмкіндігі болмаса, жануарларды тасымалдауға жол берілмейді.

Үй жануарлары (иттер, мысықтар, құстар) арнайы ыдыста (жәшіктерде, себеттерде, торларда) тасымалдануы тиіс және қол жүгін тасымалдауға арналған орындарда еркін орналастырылуы қажет. 

Үй жануарларын (иттер, мысықтар мен құстар) және жетелеуші иттерді тасымалдау кезінде олардың иелері немесе ілесіп жүрушілер вагонда санитарлық-гигиеналық тәртіптің сақталуын қамтамасыз етеді.

Жолаушылар вагонында тасымалданатын үй жануарларының (иттер, мысықтар, құстар) жоғалу, жаралану және өлу қаупі жолаушыға жүктеледі.

Бұл талаптар республикаішілік қатынастағы “Жолаушылар тасымалы” АҚ құрастырған пойыздарда қолданылады